Edhe Odise Roshi pensionohet nga kombëtarja

Pas Bekim Balajt, edhe Odise Roshi pensionohet nga kombëtarja e Shqipërisë. Kjo u bë e ditur nga Federata e Futbollit të Shqipërisë, përmes një shkrimi në Facebook. FSHF-ja shpreh mirënjohjen për kontributin e madh të dhënë nga Roshi. "Raketa” Odise Roshi, autor i shumë asisteve dhe i 5 golave, ka marrë vendimin të tërhiqet nga Kombëtarja shqiptare. Federata e Futbollit shpreh mirënjohjen për kontributin që Roshi ka dhënë me fanellën kuqezi, duke qenë pjesë e skuadrës historike që u kualifikua dhe luajti në Euro-n 2016! Faleminderit Odise”, shkruhet në postimin e Federatës Shqiptare transmeton Klankosova.tv 33-vjeçari aktualisht luan në Superligën turke. Odise Roshi, është pjesë e Erzurumsporit. Ai në 11 ndeshje sa ka luajtur i ka dy gola dhe dy asistime, transmeton Klankosova.tv Ndërkaq, dje kombëtares "Kuqezi", lamtumirë i tha edhe sulmuesi shkodran Bekim Balaj.