Edge konfirmon lëndimin, thotë se do të jetë i gatshëm për finale

Basketbollisti Darnell Edge ka konfirmuar se ka pësuar një lëndim në ndeshjen e fundit ndaj Prishtinës. Megjithatë, Edge ka thënë se do të rikuperohet në kohë për finale. “Po e kam pësuar një lëndim të vogël lojën e kaluar, por do të jem 100 për qind i rikuperuar dhe do të kthehem në parket për finalet në javën e ardhshme”, shkroi Edge. Trepça siguroi finalen pasi mposhti Prishtinën me rezultat 3-0, në serinë e gjysmëfinaleve. Atje klubi mitrovicas e pret fituesin e ndeshjes Peja-Ylli, teksa rezultati mes tyre është 2-2. Të shtunën, Trepça do ta kuptojë kundërshtarin me të cilin do të ballafaqohet në finale.