Eddie Redmayne thotë se bëri gabim që luajti rolin e një transgjinori në “The Danish Girl”

Aktori i njohur, Eddie Redmayne, ka thënë se luajtja e një personazhi transgjinor në filmin e vitit 2015 “The Danish Girl” ishte një gabim. Ylli britanik u nominua për një Oscar për rolin e tij si Lile Elbe, një nga njerëzit e parë në botë që iu nënshtrua një operacioni për ndryshim gjinie. Filmi u vlerësua nga disa në atë kohë, por të tjerë menduan se një aktor trans duhet të kishte marrë këtë rol. "Jo, nuk do ta merrja tani. E bëra atë film me qëllimet më të mira, por mendoj se ishte një gabim”, ka thënë ai. “The Danish Girl” u publikua disa muaj pasi Redmayne fitoi Oscarin për aktorin më të mirë për rolin e profesorit Stephen Haking në “Theory of Everything”. Por Redmayne shtoi se çdo aktor duhet të jetë në gjendje të luajë çdo lloj roli nëse e luan me një ndjenjë integriteti dhe përgjegjësie.