E reja ferizajase tregon për pasionin për futbollin dhe vështirësitë që ka kaluar (VIDEO)

Noaura Llabjani, vajza e re ferizajase që nisi pasionin për futbollin qysh në moshën 8-vjeçare ka treguar për sfidat që i ka pasur që në fillim. Llabjani në emisionin “Weekend” në Klan Kosova tregoi se që në fillim ka luajtur me ekipin e djemve tek KF Vizioni, teksa tha se në ekip ishte e vetmja vajzë. “Ëndrra prej fëmijërisë ka qenë të që të jem futbolliste, këtë ëndërr e kam pasur që nga mosha 8-vjeçare. Fatkeqësisht kam luajtur tek ekipi i djemve, tek ekipi i KF Vizionit. Kanë qenë të gjithë djem, vetëm unë vajzë. Pastaj në vitin 2022 kam dal te ekipi i vajzave te FC Ferizaj”. “Në lagje kanë qenë të gjithë djem dhe kur i shihja duke luajtur futboll më linte përshtypje dhe nga ajo kohë kam filluar të luaj me djem”, tha ajo, njofton Klankosova.tv. Tutje, ajo tregoi edhe për një ditë të zakonshme të saj, e cila tha se sillet rreth stërvitjeve dhe se ngado që ecë nëpër shtëpi, lëviz me top. “Futbolli nuk më bëhet kurrë bajat. Një ditë e zakonshme sillet rreth stërvitjeve dhe në shtëpi në çdo dhomë kam një top, gjithmonë lëvizi me top, asnjëherë vet”, tha ajo. https://www.youtube.com/watch?v=oHsjSRgQSHE