E pazakontë: 1 mace e vetme, sulmoi 7 qen pit bullë

Shtatë qen të racës pit-bull, kishin dalë për një shëtitje të zakonshme në qytetin Victoria në Kanada. Ata thjesht po e shikonin punën e tyre. Mirëpo as që e prisnin se rrugën do t’ua priste një mace me emrin Baby. Kyla Grover, ka thënë se qentë po ecnin nëpër rrugë dhe që të gjithë i sulmoi një mace. S’duhet ta harrojmë faktin se raca pit bull, njihet si racë trime, e fuqishme dhe arrogante me krijesat e tjera. Macja i sulmoi qentë, u shkaktoi aq shumë lëndime, sa atyre iu desh të merrnin trajtim mjekësor te veterinari. “Veterinari në spital fillimisht mendoi se qentë i kishte sulmuar ndonjë rakun. Njëri nga qentë, me emrin Belinda, është nën trajtimin e antibiotikëve”, shkruan The Independent, transmeton Klan Kosova. Ndërsa pronari i maces, ka thënë se ajo u hodh në sulm ngase u frikësua nga ta.