E la Feyenoordin për Milanin, dy javë më pas eliminohet prej Championsit nga ish-skuadra

Feyenoordi mbrëmë e ka eliminuar Milanin nga Champions League. Në fakt, ekipi holandez barazoi me italianët 1:1, por ishte rezultati i ndeshjes së parë, fitorja 1:0 që i ndihmoi ata të ecin tutje. E njeriu më i pafat këtu mund të konsiderohet Santiago Gimenez. Futbollisti meksikan deri më datë 3 shkurt të këtij viti ishte futbollist i Feyenoordit, por pastaj kaloi tek "Rossonerët". Duket se kjo lëvizje tash për tash nuk ishte e duhura, pasi që ai pas fiks 15 ditësh u 'shqelmua' jashtë garës më prestigjioze të futbollit evropian për klube, nga ish-ekipi i tij. Edhe pse 23 vjeçari e realizoi golin e epërsisë për skuadrën e Sergio Conceicaos, kjo nuk mjaftoi për t'u gjendur në mesin e 16 më të mirëve.