E ardhmja e Oblak në pikëpyetje, Atletico Madrid mund të kërkojë portier të ri

Portieri i Atletico Madrid, Jan Oblak mund të largohet nga klubi në verën e vitit 2026. Pas më shumë se një dekade te “Colchoneros”, forma e tij nuk është më si dikur, duke ngritur dyshime te tifozët dhe drejtuesit. Oblak ka qenë për vite me radhë ndër më të mirët në botë, por statistikat e fundit tregojnë rënie, transmeton Klankosova.tv. Përveç aspektit sportiv, edhe paga e tij e lartë është kthyer në barrë për klubin. Bordi i Atleticos po shqyrton mundësinë e një zëvendësuesi, ndërsa disa klube evropiane po e ndjekin nga afër situatën. Vendimi përfundimtar pritet të merret pas këtij sezoni, që do të jetë vendimtar për të ardhmen e portierit slloven.