Dyshja baba e bir debuton edhe sezonin e rregullt në NBA, e nisin mbarë

Los Angeles Lakers e ka fituar ndeshjen e parë të sezonit të ri të NBA-së.

Ata kanë mposhtur Minnesotta Timberwolves me rezultat 110:103.

Anthony Davis pati një natë fantastike me 36 pikë e 16 kërcime tek Verdh e Vjollcët, teksa Anthony Edwards nujmëroi më së shumti pikë te mysafirët, 27.

LeBron Jamesi realizoi 16 pikë, teksa në sezonin e rregullt në NBA debutoi edhe djali i tij, Bronny James, i cili arriti të kontribuojë me vetëm një kërcim për gati tre minuta sa ishte në parket.