Dy të dehur sulmojnë një person në Mitrovicë të Veriut

Një burrë është sulmuar fizikisht nga dy burra të tjerë në Mitrovicë të Veriut. Policia ka arritur të identifikojë njërin prej të dyshuarve, njofton Klanksosova.tv. Ndërkaq pas matjes së alkool-testit, ka rezultuar se të dyshuarit ishin nën ndikim e alkoolit. “Viktima mashkull kosovar, ka raportua se është sulmuar fizikisht nga dy meshkuj kosovarë, njeri është identifikuar dhe është shoqëruar në stacionin policor. Pas matjes së alkool-testit, të dyshuarit rezultojnë se janë nën ndikim të alkoolit”, thuhet në raportin e policisë. Me urdhër te prokurorit të dyshuarit janë liruar. Rasti ka shkuar në procedurë të rregullt.