Dy super duele të Kupës së Kombeve të Afrikës, në programin e ditës së sotme në Artmotion

Sot zhvillohen dy takimet e radhës në kuadër të raundit të 16-tave, të Kupës së Kombeve të Afrikës. Pas kalimit tutje të Senegalit dhe Malit në çerekfinale, nga fitoret e arritura ditën e djeshme, sot mësohen edhe dy kombëtaret e tjera që do të kalojnë në çerekfinale. Nga ora 17:00 zhvillohet takimi ndërmjet Marokut dhe Tanzanisë, duel që do të transmetohet në kanalin Sport3. Nga ora 20:00 zhvillohet takimi ndërmjet Afrikës së Jugut dhe Kamerunit, duel që do të transmetohet në kanalin Sport2. Fituesit e këtyre dueleve do të përballen me njëra-tjetrën në çerekfinale të kësaj gare.