Dy super ballafaqime luhen sot në basketbollin vendor

Sot do të luhen dy ndeshjet e mbetura në kuadër të javës së 14-të në Prince Caffe Superligën e Kosovës në basketboll. Këtë të diele në Prizren do të takohen Istogu dhe Proton Cable Prizreni. Istogasit janë në vendin e fundit me një fitore e 12 humbje, ndërsa skuadra prizrenase ka katër fitore e nëntë humbje. Të dy skuadrat synojnë fitoren për synimet që kanë për këtë edicion. Ballafaqimi do të zhvillohet duke filluar nga ora 17:00. Java e 14-të mbyllet me sfidën mes Sigal Prishtinës dhe Vëllaznimit. Bardhekaltrit numërojnë tetë fitore e pesë humbje, kurse kuqezinjtë shtatë fitore e gjashtë humbje, andaj pritet një sfidë interesante në kryeqytet. Ndërkohë ky takim do të luhet me fillim nga ora 19:00. /Klankosova.tv.