Dy shenja pak të njohura të presionit të lartë të gjakut mund të shfaqen në fytyrë

Presioni i lartë i gjakut ose hipertensioni është një nga kushtet më të rrezikshme dhe vlerësohet se rreth një e treta e të rriturve jetojnë me të, shpesh pa e ditur. Meqenëse zemra duhet të punojë më shumë për të pompuar gjakun, hipertensioni bëhet një faktor kryesor rreziku për shumë sëmundje serioze, duke përfshirë sëmundjet e zemrës, dështimin e zemrës, sëmundjet e veshkave dhe sulmin në tru. Për shkak të simptomave shpesh të fshehura, ekspertët e Shëndetit Publik në Angli e quajnë atë "vrasësi i heshtur". Sipas Organizatës Botërore të Shëndetësisë (OBSH), dy simptoma të rralla por të rëndësishme të hipertensionit mund të shfaqen në fytyrë. Këto janë gjakderdhje nga hundët dhe shikimi i paqartë. Edhe pse këto simptoma zakonisht shfaqen tek njerëzit me presion të lartë të gjakut, është e rëndësishme t'i njohësh ato dhe të kuptosh rëndësinë e tyre, raporton Index.hr, transmeton Klankosova.tv. Gjakderdhje nga hunda Shërbimi Shëndetësor Kombëtar i Britanisë së Madhe konfirmon se gjakderdhja nga hundët mund të ndodhë më shpesh te njerëzit me presion të lartë të gjakut. Edhe pse disa ekspertë besojnë se hipertensioni në vetvete nuk shkakton gjakderdhje nga hundët, përveç nëse presioni është jashtëzakonisht i lartë, ai mund të dobësojë enët e gjakut në hundë, duke i bërë ato më të ndjeshme ndaj plasjes dhe gjakderdhjes Pamje e paqartë OBSH paralajmëron gjithashtu se shikimi i turbullt ose i shtrembëruar mund të ndodhë te njerëzit me presion të gjakut 180/120 mmHg ose më të lartë. Shoqata Amerikane e Zemrës shpjegon se presioni i lartë i gjakut mund të dëmtojë enët e vogla të gjakut në sy, duke shkaktuar dëmtim të shikimit, grumbullim të lëngjeve nën retinë, apo edhe humbje të shikimit, transmeton Klankosova.tv. Simptoma të tjera të hipertensionit Përveç shenjave të mësipërme në fytyrë, Fondacioni Britanik i Zemrës (BHF) thekson se presioni i lartë i gjakut mund të shkaktojë edhe simptoma të tjera si vështirësi në frymëmarrje, dhimbje gjoksi, marramendje dhe dhimbje koke. Megjithatë, mënyra e vetme e sigurt për të kontrolluar presionin e gjakut është matja e tij rregullisht – në shtëpi ose tek mjeku.