Dy ndeshjet e Play-in të NBA transmetohen në Artmotion: Në skenë dalin Bostoni, Washingtoni, Charlotte dhe Indiana

Pas 129 ndeshjeve të transmetuara nga sezoni i rregullt i NBA-së në Artmotion tani i ka ardhur koha ndeshjeve të zjarrta të playoffit, por fillimisht duhet të sigurohen katër biletat e fundit nga “Play In”. Lajmi i mirë padyshim që është se Artmotion do t’i transmetojë që të gjitha gjashtë duelet e kësaj faze. Fillimisht, dy të parat vijnë mëngjesin e kësaj të mërkure. 00:30                      CHARLOTTE – INDIANA                                ART SPORT 1 Play-In nis me ndeshjen interesante mes skuadrave të pozitave 9 dhe 10 nga Lindja, Charlottes dhe Indianës, kjo ndeshje fillon në ora 00:30 teksa luhet në “Bankers Life Fieldhouse” dhe transmetohet live dhe ekskluzivisht në Art Sport 1. Indiana Pacers sezonin e rregullt e mbylli në pozitën e 9-të tabelore, duke arritur që të paktën ta sigurojë epërsinë e stadiumit si vendas, rekordi i të besuarve të Nate Bjorkgreen gjatë 72 dueleve të edicionit ishte 34 fitore dhe 38 disfata ndërsa nga ana tjetër Charlotte Hornets e mbylli me 33 fitore dhe 39 humbje duke marrë vendin e 10-të po në bregun lindor. Kujtojmë që skuadra humbëse eleminohet nga play-offi ndërsa fituesit luajnë ndaj humbësit të ndeshjes tjetër mes Washingtonit dhe Bostonit. Këto dy skuadra janë takuar tre herë mes tyre këtë vit nga të cilat dy fitore i kanë “Grenjëzat” e Charlottes kurse vetëm një Indiana. Charlotte, 5-shja e mundshme startuese: Ball, Rozier, Bridges, Washington, Biyombo Indiana, 5-shja e mundshme startuese: McConnell, Brogdon, LeVert, Brissett, Sabonis 03:00                           WASHINGTON – BOSTON                                   ART SPORT 1 Pas ndeshjes së parë mes Charlottës dhe Indianës kalojmë në atë të dytën që përball dy skuadra interesante dhe që mund të bëjnë befasira në play-off. Washingtoni udhëton në Boston për tu përballur në ikonikën “TD Garden” me vendasit e Celtics, kjo ndeshje luhet me fillim nga ora 03:00 dhe transmetohet në Art Sport 1. Boston Celtics patën të gjitha mundësitë për të qenë në top 6-she, por në fund nuk e arritën një gjë të tillë pasi u mposhtën dy herë radhazi nga Miami Heat, e tani duhet ta kërkojnë playoffin përmes kësaj faze. Ata sezonin e rregullt e mbyllën si të shtatët me balance 36 fitore dhe 36 humbje. Washingtoni ndërkohë e nisi sezonin dobët, por pastaj dyshja Westbrook-Beal morën gjithçka përsipër dhe e përfunduan në pozitën e nëntë me 34 fitore dhe 28 humbje. Fituesi i këtij dueli ndeshet me Brooklyn Nets në playoff, ndërsa humbësi ndeshet me fituesin e ndeshjes paraprake mes Charlotte dhe Indiana. Washington, 5-shja e mundshme startuese: Westbrook, Beal, Hachimura, Bertans, Len Boston, 5-shja e mundshme startuese: Walker, Smart, Fournier, Tatum, Williams