Pas spektaklit që pamë të mërkurën në futbollin tonë vendor, tani na mbetet të shohim edhe ndeshjet e së enjtës të cilat pritet të jenë vendimtare për vazhdimin e kampionatit në këtë fazë vendimtare.
15:00 DRENICA – LLAPI ART SPORT 1
Drenica në top formë pret Llapin që më shumë po mendon për Kupën e Kosovës se sa për kampionatin në këto javët e fundit. Kjo ndeshje luhet të enjtën me fillim nga ora 15:00 dhe transmetohet live dhe ekskluzivisht në Art Sport 1.
Përkundër formës së dobët, Llapi vazhdon ta mbajë pozitën e pestë tabelore me 39 pikë të grumbulluara në 32 ndeshje të luajtura teksa Drenica qëndron një pozitë më poshtë me vetëm një pikë më pak, pram banë vendin e gjashtë në renditje me 38 pikë.
Dy skuadrat kanë arritur nga një fitore me rezultat 1-0 ndaj njëra tjetrës teksa përballja e tretë dhe e fundit e luajtur mes tyre ka përfunduar me rezultatin 3-3.
15:00 BALLKANI – ARBëRIA ART SPORT 2
Ballkani që u befasua nga Drenica në vikend do të synoj rikthimin tek rezultatet pozitive ndaj Arbërisë që ka nevojë emergjente vetëm për pikë nga ky duel. Kjo ndeshje mes tyre luhet të enjtën me fillim nga ora 15:00 dhe transmetohet drejtpërdrejt në Art Sport 2.
Pas 32 dueleve të luajtura, Ballkani qëndron e treta në tabelë me 67 pikë të grumbulluara nga të cilat 21 fitore, 4 barazime dhe 7 humbje kurse nga ana tjetër, Arbëria është akoma e parafundit dhe rrezikon rënien nga elita pasi që deri më tani në 32 ndeshje ka arkëtuar vetëm 33 pikë.
Të tre ndeshjet e ndërsjellta këtë edicion mes këtyre dy skuadrave i kanë fituar therandasit.
●●●
SZSHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
