Dy ndeshje të Superligës së Kosovës në futboll sot në Artmotion

Xhiro 20 në Superligën e Kosovës në futboll përmbyllet sot me dy ndeshje tepër interesante të cilat do të transmetohen në kanalet sportive të platformës Artmotion. 13:00            LLAPI – GJILANI               ART SPORT 2 Ndeshja e parafundit e xhiros 20 në Superligën e Kosovës zhvillohet në “Zahir Pajaziti” atje ku Llapi e pret Gjilanin. Llapi pas 19 xhirove ndodhet në pozitën e tetë në tabelë me 20 pikë të mbledhura, ndërsa Gjilani momentalisht ka tubuar 30 pikë duke u renditur në vendin e katërt. Sa i përket ndeshjeve direkte nga sezoni 2015/16 janë zhvilluar gjithsej 17 ndeshje. Shtatë herë ka fituar Llapi, pesë ndeshje kanë përfunduar në barazim, ndërsa Gjilani ka triumfuar në pesë ndeshje të tjera. Në dy duelet e këtij sezoni ka fituar Gjilani. Duelin e parë në “Zahir Pajaziti” me rezultat minimal 0:1, ndërsa në shtëpi triumfoi pastër 2:0. Kjo përballje zhvillohet nga ora 13:00 dhe transmetohet live dhe ekskluzivisht në Art Sport 2. 13:30             BALLKANI – FERONIKELI             ART SPORT 1/KLAN KOSOVA Kryendeshja e xhiros 20 zhvillohet në stadiumin e qytetit në Therandë atje ku Ballkani i pozitës së dytë në tabelë e pret Feronikelin që momentalisht renditet në vendin e gjashtë. Pas humbjes së Dritës nga Trepça ’89, Ballkani me një fitore eventuale do të barazohet me kampionët për ta bërë edhe më interesant luftën për kreun e tabelës, ndërsa Feronikeli me një fitore eventuale do të kalonte në vendin e pestë. Bilanci ndërmjet këtyre dy skuadrave në 12 ndeshjet e fundit është në favorin e Feronikelit me pesë fitore. Ballkani ka triumfuar katër herë, ndërsa tre duele tjera kanë përfunduar me barazim. Në përballjen e parë të këtij edicioni të zhvilluar në stadiumin e qytetit në Therandë, Ballkani kishte triumfuar me rezultat 3:2, ndërsa ndeshja e dytë e zhvilluar në Drenas kishte përfunduar baraz 1:1. Ky ballafaqim zhvillohet nga ora 13:30 dhe transmetohet live dhe ekskluzivisht në Art Sport 1 dhe Klan Kosova.