Dy ndeshje të ndryshme me rezultat të njejtë, ndodh për herë të parë në histori

Për herë të parë ndonjëherë, të dyja ndeshjet kampionale të një sezoni mes këtyre dy gjigantëve janë mbyllur me rezultatin identik 0-0, transmeton Klankosova.tv. Një fakt që reflekton jo vetëm rivalitetin e madh, por edhe kujdesin ekstrem taktik që shpesh karakterizon duelet mes tyre. Ndeshja e parë, e zhvilluar në Juventus Stadium, nuk prodhoi gola pavarësisht rasteve të krijuara nga të dyja skuadrat dhe penalltinë e huqur të Pulisic. E njëjta histori u përsërit edhe në përballjen e kthimit në San Siro, ku mbrojtjet dominuan totalisht dhe sulmet mbetën të bllokuara. Ky është një precedent historik për një nga rivalitetet më të vjetra dhe më prestigjioze në Serie A, që rrallëherë ka munguar në spektakël dhe gola. Megjithatë, këtë edicion, Milan dhe Juventus ofruan një tjetër dimension të futbollit – atë të disiplinës taktike dhe ekuilibrit maksimal – duke shkruar një kapitull unik në historinë e përballjeve të tyre.