Dy ndeshje shumë interesante nga NBA vijnë këtë të shtunë ekskluzivisht në Artmotion

Java e fundit e sezonit të rregullt nga NBA do të mbyllet me dy ndeshje shumë interesante. Të shtunën në mëngjes, Toronto që është jashtë objektivave për “play off” apo “play in” do të ballafaqohet me Dallasin që i duhet vetëm kjo fitore për të siguruar një vend në gjashtë vendet e para të perëndimit. Takimi zhvillohet nga ora 03:00 dhe transmetohet drejtpërdrejt në Art Sport 1. Ndërsa ndeshja tjetër e ditës së shtunë do të zhvillohet në palestrën “Bankers Life Fieldhouse” ku Indiana do të jetë nikoqire e kampionëve në fuqi, La Lakers që me doemos kërkon fitoren për ti ikur fazës “Play In”. Përballja fillon në orën 19:00 dhe vjen ekskluzivisht në Art Sport 1. 03:00 Toronto - Dallas ART SPORT 1 Kjo do të jetë ndeshja e dytë dhe e fundit në fazën e rregullt për dy skuadrat që ballafaqohen mes vete. Ishte Toronto qe triumfonte më 19 janar me rezultat 116:93 ndaj Dallasit, por nga ajo kohë e deri tani, gjithçka është ndryshe për djelmoshat e Rick Carlise teksa po luftojnë për fazën play off. Deri më tani, Dallas Mavericks rënditet në vendin e 5 të perëndimit me 41 fitore e 29 humbje ndërsa Toronto që është pa objektiva dhe jashtë garës për 10 pozitat e para rënditet në vendin e 12 të lindjes me 27 fitore e 43 humbje. Gjatë historisë këto dy ekipe kanë luajtur 48 herë në sezonin e rregullt dhe asnjëherë në play off. Deri më tani, Dallasi ka seri lehtësisht më të mirë duke fituar 26 ndeshje ndërsa Toronto ka fituar në 22 raste. Toronto, 5-shja e mundshme startuese: VanVleet, Johnson, Birch, Siakam, Trent Jr. Dallas, 5-shja e mundshme startuese: Doncic, Cauley-Stein, Finney-Smith, Hardaway Jr, Richardson. 19:00 LA Lakers – Indiana Pacers ART SPORT 1 Edhe për duelin Lakers – Indiana, kjo do të jetë ndeshja e dytë dhe e fundit që ballafaqohen ndërmjet vete. Më 13 mars ishin kampionët në fuqi që fituan me rezultat të ngushtë 105:100, dhe këtë sukses djelmoshat e Frank Vogel dëshirojnë ta përsërisin pasi që këto dy ndeshjet e rradhës për Lakers do të jenë shumë të rëndësishme në luftën për gjashtë pozitat e para. Deri në këto momente, LA Lakers është në vendin e 7 me 40 fitore e 30 humbje. Teksa kundërshtarët e tyre, Indiana Pacers rënditen në vendin e tetë të lindjes me 33 fitore e 37 humbje, duke siguruar kualifikimin në fazën “Play In”. Në sezonin e rregullt, dy skuadrat janë takuar 93 herë ku kampionët në fuqi kanë fituar 61 herë ndërsa Indiana ka triumfuar në 32 raste. Ndërsa në “Play Off” janë takuar njëherë në vitin 200 mu në serinë prej gjashtë ndeshjesh, Lakers kishin fituar katër herë ndërsa Indiana dy herë. Lakers, 5-shja e mundshme startuese: Drummond, Davis, Kuzma, Caldwell-Pope, Caruso. Indiana, 5-shja e mundshme startuese: McDremott, Holiday, Sabonis, Brisset, LeVert.