LA Liga do të hap javën e saj të katërt me ndeshje interesante dhe mjaftë të rivalizuara e me futboll të bukur, të cilat do të vijnë tek shikuesit kosovarë përmes platformës Artmotion dhe kanaleve, Art Sport.
Ndeshja mes Levantes dhe Rayo Vallecanos hap javën duke filluar nga ora 18:30. Kjo përballje vjen drejtpërdrejt në Art Sport 1 teksa do të komentohet nga Valon Krasniqi.
Rayo Vallecano ka një fitore dhe dy humbje në këtë start kampional teksa bartë pozitën e 10-të në tabelë kurse nga ana tjetër skuadra e Levantes është e 13-ta me dy barazime dhe një ndeshje të humbur.
Nga ora 21:00 do të jetë në transmetim edhe dueli tjetër shumë interesant mes dy skuadrave që nuk dinë për humbje, Athletic Bilbaos dhe Mallorcas.
Kjo ndeshje do të jetë në transmetim të drejtpërdrejt në Art Sport 2 nën komentimin e Emanuell Sylës. Mallorca po luan futboll fantastik andaj mund të kërkojë edhe befasinë në “San Mames” përballë baskëve që po paraqiten mirë në mbrojtje të Athletic Bilbaos.
●●●
LSHKRIMI NGA
LiZe
Editorial nga Klan Kosova — ndjek sport dhe zhvillimet e tjera kryesore të vendit.
