Dy gola të ndryshëm nga goditjet e lira, por ekzekutim pothuajse identik

Declan Rice realizoi dy gola fantastikë mbrëmë kundër Real Madridit. Që të dy i shënoi nga goditjet e lira, duke kontribuuar më së shumti në triumfin 3:0 të Arsenalit në ndeshjen e parë çerekfinale të Ligës së Kampionëve. Dy pozita të kamerave e tregojnë mënyrën e njëjtë të ekzekutimit të këtyre dy golave. Sidoqoftë, njërën e shënoi me topin që kaloi anash murit, ndërkaq tjetrën në këndin e sipërm të portierit, por me një kombinim preciziteti e force që e bëri të pambrojtshme edhe nga një kalibër si Thibaut Courtois.