Philadelphia do të udhëtojë në “Fiserv Forum Arena” për t'u ballafaquar me skuadrën e Milwaukee Bucks në duelin që do të jetë edhe kryesori i mëngjesit të së premtes në NBA e që do të transmetohet drejtpërdrejt në platformën Artmotion me fillim nga ora 01:00.
76ers deri më tani kanë arritur që për 57 ndeshje të kenë 39 fitore dhe 18 disfata, teksa me këtë rekord impresiv mbajnë edhe pozitën e parë në konferencën lindore.
Nga ana tjetër, “Drerët” nga Milwaukee janë të tretët po në lindje me 35 fitore dhe 22 ndeshje të humbura.
Në total gjatë historisë së tyre si skuadra këto të dyja janë ballafaquar mes tyre për 214 duele nga të cilat 112 janë fitoret e Milwaukees dhe 102 në anën tjetër të Philadelphias.
Sa i përket sezonit aktual, dueli i vetëm mes tyre është luajtur me 17 Mars e aty fitore pas vazhdimeve kishin arritur skuadra e Milwaukee Bucks.
Philadelphia, 5-shja e mundshme startuese:
Simmons, Curry, Harris, Green, Embiid
Milwaukee, 5-shja e mundshme startuese:
Holiday, Middleton, DiVicenzo, Antetokounmpo, Lopez
●●●
LHSHKRIMI NGA
L H
Editorial nga Klan Kosova — ndjek sport dhe zhvillimet e tjera kryesore të vendit.
