Dueli direkt për vendin e dytë mes LA Clippers dhe Phoenix Suns, ekskluzivisht në Art Sport 1

Ndeshja më interesante e mesjavës do të zhvillohet në orët e hershme të ditës së enjte. Në palestrën “Phoenix Suns Arena”, nikoqirët me yjet si Devin Booker e Chris Paul do të përballen me kundërshtarin direkt për vendin e dytë, LA Clippers që u turpëruan ndeshjen e fundit nga New Orleansi. Super përballja e titanëve fillon në orën 04:00 të mëngjesit dhe transmetohet drejtpërdrejt në Art Sport 1.  04:00                     LA CLIPPERS – PHOENIX SUNS                                   ART SPORT 1 LA Clippers do të ballafaqohen me Phoenix Suns në ndeshjen emocionuese të bregut perëndimor në palestrën “Phoenix Suns Arena”, transmeton KlanKosova.tv. Në dy ndeshjet e mëparshme, Clippers kanë mposhtur Phoenixin me rezultat 112:107 respektivisht 113:103. Në këtë ndeshje, Phoenixi vjen pas fitores ndaj New York Knicks me rezultat 118-110. Në këtë ndeshje, përsëri më të mirët ishin dyshja e yjeve Devin Booker dhe Chris Paul që bashkërisht shënuan 53 pikë për skuadrën. Nga ana tjetër, LA Clippers udhëtojnë drejt Phoenixit pas një humbje dëshpëruese nga Pelikanët e New Orleansit. Djelmoshat e Ty Lues u mposhtën me rezultat 120-103. Paul George nuk ishte në ditën e tij më të mirë duke shënuar vetëm nëntë pikë ndërsa u dallua Terance Mann me 17 pikë. Phoenix Suns renditen në vendin e dytë të perëndimit me 43 fitore e 18 humbje ndërsa La Clippers janë një pozitë më poshtë me 43 fitore e 20 humbje. Këto dy ekipe kanë luajtur 226 herë në sezonin e rregullt ndërsa shtatë herë në fazën “Play-Off”. Seri shumë më të mirë kanë Phoenixi me 136 fitore kundrejt LA Clippers që kanë triumfuar në 97 raste.  CLIPPERS, 5-shja e mundshme titullare: Zubac, Morris, George, Mann, Jackson.  SUNS, 5-shja e mundshme titullare: Ayton, Johnson, Bridges, Booker, Paul.