Dua Lipa në rozë, performanca e ceremonisë ‘’Grammy’’ që mahniti të gjithë (VIDEO)

Ylli botëror nga Prishtina, Dua Lipa, përjetoi një mbrëmje të suksesshme të dielën që e lëm pas, meqë triumfoi në një prej gjashtë kategorive ku ishte e nominuar për çmimin ''Grammy''. Fitoren e çmimit ''Albumi më i mirë pop'', këngëtarja kosovare me famë botërore, e quajti një çmenduri të vërtetë, përcjellë Klan Kosova. Gjatë mbrëmjes Dua shkëlqeu edhe me performancën e saj. Ajo u shfaq me një fustan glamuroz ngjyrë rozë të markës “Versace”, para se të shoqërohej në skenë nga reperi DaBaby për interpretimin e hitit “Levitating”. https://www.youtube.com/watch?v=vFWv44Z4Jhk Më pas ajo u rishfaq në skenë me një xhaketë po ashtu ngjyrë rozë dhe plot shkëlqim, para se ta largonte edhe xhaketën për interpretimin energjik të hitit, “Don’t Start Now”, e shoqëruar nga disa valltare. Vëmendje të madhe me dukjen e saj, Dua Lipa mori edhe me fustanin e koleksionit të fundit të shtëpisë së modës “Versace”, të cilin e kishte zgjedhur për parakalimin e saj mbi qilim të kuq. Me fitoren e saj në kategorinë “Albumi më i mirë pop”, Dua Lipa i mundi yjet e njohur dhe të suksesshëm të muzikës, si Justin Bieber me albumin “Changes”, Lady Gaga me “Chromatica”, Harry Styles me “Fine Line” dhe Taylor Swift me albumin “Folklore”. https://www.youtube.com/watch?v=U4daHlqAtmU