Drita përballet me Differdange në “Fadil Vokrri” për një vend në Conference League

FC Drita do të zhvillojë sonte ndeshjen e parë të Play-Off-it të UEFA Conference League kundër FC Differdange 03 nga Luksemburgu. Përballja luhet në Stadiumin “Fadil Vokrri” në Prishtinë, me fillim nga ora 20:00. Gjilanasit tashmë kanë një histori pozitive ndaj kundërshtarit, pasi këtë verë e kanë mposhtur dy herë në kualifikimet e Champions League. Megjithatë, skuadra e trajnerit Zekirija Ramadani kërkon të rikthehet pas disa humbjeve të fundit në Evropë. Në anën tjetër, Differdange vjen me formë të mirë me katër fitore në pesë ndeshjet e fundit, duke e bërë këtë duel vendimtar të hapur për të dyja ekipet. Fituesi i këtij çifti siguron pjesëmarrjen historike në fazën e grupeve të Conference League. Ndeshja e kthimit do të luhet në Luksemburg më 28 gusht, po në orën 20:00, në stadiumin komunal të Differdange. /Klankosova.tv