Kampioni i Kosovës në futboll, FC Drita, do të testohet për COVID-19 pas tri ditësh.
Lajmi është konfirmuar për klankosova.tv nga drejtori sportiv i klubit, Valon Zymberi.
“Akutalisht jemi duke u përgatitur në bregdetin shqiptar para duelit me Sileksin”, tha ai.
“Testimin për COVID-19 do ta bëjnë dy ditë para sfidës në fjalë këtu në Shqipëri, pasi është edhe laborator i licencuar nga UEFA”.
Drita, do të luajë në Ligën e Evropës me 17 shtator, përballjen kundër Silekësit të Maqedonisë Veroire.
Klubi kosovar ishte diskualifikuar pikërisht për këtë çështje (COVID-19) nga Liga e Kampionëve këtë vit, pasi një futbollist i tyre kishte rezultar pozitiv gjatë testimit të bërë në shtetin e Zvicrës.
Kujtojmë se fituesi i ndeshjes, Sileks - Drita, takohet në fazën e radhës kualifikuese kundër skuadrës së njohur polake, Legia Warsawa.
●●●
VISHKRIMI NGA
V I
Editorial nga Klan Kosova — ndjek sport dhe zhvillimet e tjera kryesore të vendit.
