Drita pa fat, humb krejt në fund ndeshjen historike

Momentet finale të ndeshjes Drita - Celje ishin vendimtare për rezultatin. Celje shënoi përmes Poplatnik në minutën e katërt shtesë, duke thyer zemrat e tifozëve gjilanas të cilët e panë ekipin e tyre të luftoj si i barabartë ndaj gjigantit slloven. Me këtë gol, Celje shënoi fitore 3:2 në ndeshjen që u luajt në "Fadil Vokrri". Sllovenët avansuan 2:0 në pjesën e parë, mirëpo "Intelektualët" u rikthyen fuqishëm në lojë në 45 minutat e dyta me golat e Krasniqit dhe Balajt për barazimin e përkohëshëm 2:2, i cili qëndroi në fuqi deri në momentet e fundit kur Celje shënoi për të marrë fitoren në Prishtinë. Dueli i kthimit luhet javën e ardhshme në stadiumin "Z'dezele" në Slloveni.