Drita në vazon e favoritëve në Europa League në rast eliminimi nga Copenhagen?

Skuadra e Dritës ka marrë një lajm të shkëlqyer në prag të ndeshjes së dytë ndaj FC Copenhagen, sipas faqes Since 1947.

Nëse ekipi nga Gjilani eliminohet në raundin e dytë kualifikues të Ligës së Kampionëve, atëherë do të transferohet në UEFA Europa League – konkretisht në raundin e tretë kualifikues (Champions Path), ku do të jetë e renditur si skuadër e favorizuar me koeficientin 9,000.

Kjo renditje i garanton Dritës një short më të favorshëm, pasi nuk do të përballet me asnjë nga skuadrat e tjera të favorizuara, por vetëm me një nga ekipet jo të favorizuara ("unseeded").

Kundërshtarët potencialë të Dritës në këtë fazë janë: Humbësi i përballjes Breidablik / Lech Poznań, humbësi i ndeshjes Shkëndija / FCSB, humbësi i takimit Hamrun / Dynamo Kyiv, humbësi nga përballja Kairat / KuPS, humbësi i duelit Noah / Ferencváros, humbësi i sfidës Shelbourne / Qarabağ.