Drita mëson kundërshtarët potencialë në Champions, aty janë edhe Shkëndija dhe Egnatia

Kampion i Kosovës në futboll, Drita, ka mësuar kundërshtarët potencialë në rundin e parë kualifikues në Ligën e Kampionëve. Gjilanasit gjenden në anën e skuadrave favorite për rundin e parë eliminator në Champions, gjë e cila i mundëson që në këtë rund të mos përballet me ekipe të forta si Ludogorets, Steua e Malmo. Por, “Intelektualët” në rundin e parë kanë mundësi që të përballen me dy ekipe shqiptare, Shkëndijën e Tetovës dhe Egnatian e Rrogozhinës, transmeton Klankosova.tv. Përveç Shkëndijës dhe Egnatias, dy skuadrat më të forta që potencialisht mund të përballen me Dritën janë Dinamo Minsk dhe Kairati i Kazakistanit.