Drenica dhe Drita duelojnë për vendin e parë, tre ndeshje nga Superliga në Artmotion

Xhiro e pestë e BKT Superligës në platformën numër një në vend do të përfundoj me tre ndeshje fantastike të cilat do të zhvillohen të dielen. Ndeshja e parë që do të filloj transmetimin do jetë ajo mes Dukagjinit dhe Prishtinës, e cila zhvillohet në Klinë me fillim nga ora 15:00 teksa do të transmetohet në Klan Kosova dhe Art Sport 1, nën komentimin e Jon Ajetit. Në këtë ndeshje, Armend Dallku do të jetë për herë të parë si trajner kundërshtar i Prishtinës. Më pas nga ora 16:00 do të jenë ekskluzivisht në Art Sport 2 dhe 3 dy duelet e tjera. Super ndeshja mes Drenicës dhe Dritës transmetohet në Art Sport 2 teksa kjo përballje që do zhvillohet në “Bajram Aliu” premton spektakël dhe atraksion, pasi lufta do jetë tejet e madhe me të dyja skuadrat që pretendojnë fitoren për tu ngjitur në krye të tabelës. Kjo ndeshje do të komentohet nga Emanuell Syla. E fundit, por jo më pak e rëndësishmja është ndeshja mes Gjilanit dhe Ulpianës, aty ku skuadra e drejtuar nga Ismet Munishi është favorite në letër, pasi Ulpiana e ka nisur sezonin dobët dhe nuk ka akoma as edhe një fitore e numëron 3 humbje radhazi. Kjo ndeshje transmetohet në Art Sport 3 nën komentimin e Naim Selmanit.