Doug Ingle vdes në moshën 78-vjeçare

Doug Ingle, këngëtari i grupit rock  'Iron Butterfly',  ka vdekur në moshën 78-vjeçare. Banori i Omahas, Nebraska ishte anëtari i fundit i mbijetuar i formacionit klasik të 'Iron Butterfly' që performoi në albumin e tyre të dytë në studio, albumin 'In-A-Gadda-Da-Vida (1968)'. “Me zemër të rëndë dhe pikëllim të madh njoftoj ndarjen nga jeta të Atit tim Doug Ingle. Babi ndërroi jetë në mënyrë paqësore të premten në mbrëmje në prani të familjes”, ka shkruar djali i tij, Doug Ingle Jr., në një postim në Facebook, siç raportohet nga Deadline.