Luka Donçiqi e ka udhëhequr Dallas Maverics në fitoren ndaj Los Angeles Clippers, në kuadër të playoff-it të 1/8 së finales në NBA.
Mavericks ka triumfuar në ndeshjen e tretë ndaj Clippersave me shifrat 101-90, kësisoj duke udhëhequr tani serinë 2-1.
Çerekun e parë e nisën më mirë mysafirët duke triumfuar me rezultat 23-18. Megjithatë në periodën e dytë e cila ishte përcaktuese, Dallasi u kthye furishëm duke e mbyllur 36-18.
Clippersat në çerekun e tretë ishin më të mirë për dy pikë 26-24 dhe të fundit e mbyllën baras 23-23, por nuk mjaftuan për t’iu shmangur humbjes.
Donçiqi shkëlqeu në këtë takim duke realizuar 22 pikë, 10 kërcime dhe nëntë asistime.
Teksa te Clippersat u shqua James Harden me 21 pikë, dy kërcime dhe pesë asistime. /Klankosova.tv.
●●●
LISHKRIMI NGA
L I
Editorial nga Klan Kosova — ndjek sport dhe zhvillimet e tjera kryesore të vendit.
