Donçiq: Do të kem kimi më të mirë me Kyrie Irving këtë sezon

Basketbollisti Luka Donçiq është shprehur optimist për përmirësimin e kimisë me Kyrie Irving gjatë kampit stërvitor të Dallas Mavericks, duke pranuar se nuk mund të ishte më keq se sezoni i kaluar. Në sezonin 2022/23, dy yjet luajtën vetëm 16 ndeshje së bashku, duke rezultuar në një rekord zhgënjyes 5-11, transmeton Klankosova.tv. Mavericks luftuan, duke humbur 18 nga 25 ndeshjet e fundit të sezonit të rregullt, duke përfunduar me një rekord 38-44, duke u renditur në vendin e 11-të në Konferencën Perëndimore dhe duke humbur playoff-in. “[Irving] erdhi në mes të sezonit vitin e kaluar dhe ne shkuam direkt në lojëra”, tha Donçiq. “Duhet kohë për të ndërtuar kiminë, veçanërisht në parket”. "Ne do të kemi të gjithë kampin stërvitor dhe para-sezonin, kështu që mendoj se do të jetë shumë më mirë”.