Doli nga shtypi përmbledhja me poezi “Kulla e kujtimeve” nga autori, Bekë Abazi

Gazetari dhe arsimtari Bekë Abazi, ka botuar përmbledhjen me poezi “Kulla e kujtimeve”, e cila përmban gjithsej 40 poezi. Libri është i ndarë në pesë cikle: Erë e shi, Këngëtime, Këngë dashurie, Miniatura dhe Vargje të kënduara. Sipas redaktorit Ahmet Jashari, libri me poezi “Kulla e kujtimeve”, vjen si një përmbledhje e jetës, kujtimeve dhe nostalgjisë. “Ai sikur i ka ruajtur të fshehura ndjenjat për shumë vite për t’i nxjerrë një ditë në formën e vargut poetik. ‘Kulla e kujtimeve’ është libri i dytë i autorit, pas monografisë që ka botuar për ‘Futbollin në Komunën e Skenderajt’”, ka thënë Jashari.