Universal Pictures ka publikuar trailerin e parë për filmin e ri të animuar "Dog Man" bazuar në serinë e njohur të novelave grafike të Dav Pilkey.
Ky film i shumëpritur, prodhim i DreamWorks Animation, sjell në jetë historinë komike të një qeni besnik policie dhe pronarit të tij, një oficer policie, të cilët pas një operacioni të çmendur dhe të rrezikshëm bëhen një trup i vetëm.
Pete Davidson dhe Lil Rel Howery japin zërat për dy personazhet kryesore, ndërsa historia përfshin përballjen e "Dog Man" me superkeqbërësin macen Petey, që përpiqet të klonojë veten për të dyfishuar fuqinë e saj kriminale.
Gjërat ndryshojnë kur Lil Petey, kloni i Peteyt, krijon një lidhje të papritur me Dog Man, duke i detyruar dy armiqtë të bashkohen për të shpëtuar kotelen e vogël nga një armik i përbashkët.
Me një përzierje humori dhe emocioni, filmi thekson fuqinë e familjes dhe miqësisë, edhe mes armiqve të betuar. Vokalet e talentuara të Pete Davidson, Isla Fisher, Ricky Gervais dhe të tjerë, premtojnë të bëjnë këtë film një eksperiencë të paharrueshme për të gjithë.
"Dog Man", me regji të Peter Hastings, do të jetë në kinematë më 31 janar 2025.
https://www.youtube.com/watch?v=QaJbAennB_Q
●●●
EVSHKRIMI NGA
E V
Editorial nga Klan Kosova — ndjek kulturë dhe zhvillimet e tjera kryesore të vendit.
