Djaloshi më i shëndoshë në botë tashmë rikthehet në shkollë

Djaloshi 10 vjeçar, Arya Permana, që besohet që është fëmija më i trashë në botë, ka arritur që të rikthehet në shkollë pas një diete strikte që ia ka mundësuar atij të ecë përsëri. 10 vjeçari që ka peshuar 188 kilogram tashmë mund të ecë përsëri pasi nëna e tij e shtyu të hynte në dietë dhe të bënte ushtrime, transmeton Klan Kosova. Për shkak të peshës së madhe që ai kishte shumicën e kohës rrinte vetëm shtrirë – nuk kishte mundësi të ecte ose të luante me moshatarët e tij. E pas një diete rigoroze dhe ushtrimeve fizike, Arya ka nisur të humbë peshë dhe vetëm për disa javë tashmë peshon pesë kilogram më pak. Ai tani ka mundësi që të ndjekë shkollimin. “Jam shumë i gëzuar nuk mund as t’i shpreh ndjenjat. Është ndjenjë e mirë që të rikthehesh në shkollë. Aty çdo kush më do e mësuesit më trajtojnë shumë mirë. Kam bërë shumë miq dhe ata sillen shumë mirë me mua”. Pas shqetësimit që prindërit e 10 vjeçarit kishin paraqitur për shëndetin e tij, një mjek ishte kujdesur një javë për të dhe ia kishte treguar receptën e dietës. Tani Arya ushqehet në mënyrë të shëndetshme, ecën gjashtë minuta çdo orën dhe çdo ditë noton.