Xhudistja Distria Krasniqi ka rrëmbyer Medaljen e Artë në finalen e Kampionatit Evropian për Senior 2025 në Podgoricë.
Federata e Xhudos së Kosovës bën të ditur se në finale Distria mposhti kampionen botërore e vitit 2024, Odette Giuffrida nga Italia.
"Krenarë për Distrian! I solli Kosovës edhe një medalje të artë! Me çdo medalje, ajo shkruan historinë!", ka shkruar Federatat e Xhudos së Kosovës në një postim në Facebook.
Krasniqi në xhiron e parë ishte e lirë, në xhiron e dytë mposhti, Milica Nikolic nga Serbia. Në çerekfinale, ajo mposhti me Ippon, Naomi Van Krevel nga Holanda. Më pas, në gjysmëfinale, Distria shpërtheu me një Ippon tjetër, duke mposhtur Ariane Toro Soler nga Spanja.
●●●
LGSHKRIMI NGA
L. Ga.
Editorial nga Klan Kosova — ndjek sport dhe zhvillimet e tjera kryesore të vendit.
