Disa ndeshje të FIBA Europe Cup do të luhen në palestrën “Minatori”

Klubi i basketbollit Trepça ka njoftuar se ndeshjet e njërit grup kualifikues të FIBA Europe Cup do të zhvillohen në palestrën “Minatori” në Mitrovicë. Ky klub ka bërë të ditur se me 27 shtator do të ndeshet me Gottingenin e Gjermanisë, njofton Klan Kosova. “Një lajm i madh për klubin tonë, qytetin, tifozët dhe basketbollin kosovar në përgjithësi”. “E kemi fituar të drejtën e organizimit të turneut kualifikues të FIBA Europe Cup. Pra ekipet evropianie zbarkojnë në ‘Minatori’”. “Prej 27 deri më 30 shtator në palestrën tonë kumbuese, do të luhen ndeshjet e njërit grup kualifikues të FIBA Europe Cup. Fillimisht më 27 shtator ekipi ynë luan me Gottingenin e Gjermanisë, ndërsa AEK Larnaca e Qipros me skuadrën nga Islanda, Thor Thorlakshofn”. “Fituesit e këtyre ndeshjeve më 28 shtator përballen me Sportingun portugez, përkatësisht me Antëerpin belg. Më 30 shtator është finalja që përcakton se cila skuadër kalon në fazën grupore”. “Është organizim i madh në debutimin tonë në skenën evropiane. Por sfidat na rritin”. “Shpresojmë të dëshmohemi si nikoqir shembullor dhe për Trepçën të dëgjohet në shumë vende evropiane”.