Dinamo e Kievit ia shpon 9 herë portën Partizanit të Beogradit

Kampionët e Ukrainës kanë deklasuar skuadrën e Partizanit të Beogradit me rezultat të thellë 9-2 në të dyja ndeshjet. Dinamos së Kievit sikur nuk u mjaftoi turpërimi që ia bënë serbëve në duelin e parë, 6-2, sonte në Beograd "vallëzuan" sërish duke triumfuar pastër 3-0, njofton klankosova.tv. Vendi i tyre vazhdon të gjendet në luftë me Rusinë, andaj ndeshjet si vendas, Dinamo po i zhvillon në Poloni. Nga ana tjetër shteti që përfaqësonte kundërshtari i tyre në eliminatoret e Ligës së Kampionëve, Serbia, është ndër të paktat vende që nuk i ka vënë sanksione agresorit pushtues në tokën e ukrainasëve. "Verdhë e blutë" pas këtij triumfi spektakolar, vazhdojnë rrugën kualifikuese drejt grupeve të UCL-së!