Dieta mesdhetare nuk mund të zvogëlojë rrezikun e demencës, sipas një studimi suedez

Sipas një studimi të ri suedez, një dietë e shëndetshme nuk ju mbron nga demenca. Dieta mesdhetare, e cila përfshin shumë perime, fruta, peshk dhe yndyrna të shëndetshme dhe  bulmet ose mish, është shpallur si mbrojtëse e trurit. Por studiuesit suedezë, tani thonë të kundërtën. Heather Snyder, nënkryetare e marrëdhënieve mjekësore dhe shkencore në Shoqatën e Alzheimerit, nuk është e bindur se gjetjet e publikuara në internet të mërkurën në revistën Neurology janë përfundimtare. “Është jashtëzakonisht e rëndësishme të kuptohen më mirë lidhjet midis dietës, ushqyerjes dhe rrezikut të demencës”, shtoi Snyder, transmeton KlanKosova.tv. Tutje Snyder, e cila nuk kishte marrë pjesë në studim, tha se këto rezultate të reja duhet të konsiderohen në kontekstin më të madh të punës. "Ky është një studim vëzhgues që mund të gjejë një lidhje midis faktorëve, por nuk provon shkakun", tha ajo. Heather, deklaroi se të dhënat ekzistuese sugjerojnë që strategjitë për të reduktuar rrezikun e demencës duhet të konsiderohen të kombinuara, jo një nga një. Shoqata e Alzheimerit po udhëheq studimin “POINTER” në SHBA, një provë klinike dyvjeçare për të vlerësuar nëse ndërhyrjet në stilin e jetës që synojnë njëkohësisht faktorë të shumtë rreziku mund të mbrojnë funksionin mendor tek të moshuarit.