Dhuruesi i famshëm i spermës pret t’i ketë 100 fëmijë deri në fund të vitit

Dhuruesi më i famshëm i spermës në botë ka zbuluar se ai pret të ketë 100 fëmijë gjatë këtij viti – por thotë se ky është “vetëm fillimi”. Kyle Gordy, 32 vjeç, njihet si babai biologjik i 87 fëmijëve në të gjithë globin. Megjithëse, që nga 1 janari 2025, ai mori konfirmimin se së shpejti do të arrijë një shifër historike. Gjatë muajve të ardhshëm, ai do të ketë zyrtarisht 100 fëmijë në mbarë botën - një arritje mbresëlënëse që besohet se e kanë arritur vetëm tre burra të tjerë. Ndërsa shumica e njerëzve tani do të hiqnin dorë nga të pasurit më shumë fëmijë, ai thotë se “vetëm sapo ka nisur”, transmeton Klankosova.tv. “Ndihem mirë të jem baba i kaq shumë fëmijëve. Më pëlqen që i kam ndihmuar gjithë këto gra të krijojnë familje në momente kur menduan se ishte e pamundur. Për mua vetëm sa ka nisur”, tha ai. “Mendoj se do të vazhdoj të bëj fëmijë derisa gratë të mos kenë më nevojë për mua”, u shpreh më tutje ai. Kyle, nga Kalifornia, SHBA, ofron shërbimet e tij falas dhe drejton faqen e internetit Be Pregnant Noë, ku u kërkon të interesuarve ta kontaktojnë.