Detajet që e kthyen Lirinë në Superligë

Të parën nuk pati nevojë ta ndal, sepse shkoi jashtë. Dy penalltitë tjera i ndali Drilon Hodaj, portier që ishte vendimtar për kalimin e Lirisë në Superligën e Kosovës në futboll, pasi në ndeshjen e barazhit, me penallti eliminoi Ferizajn. Merita të mëdha pati edhe Robert Gjeraj tek shorti, veç që penalltitë ra të ekzekutohen kah Arpagjikët, edhe penalltia e parë doli të gjuhet nga prizrenasit. Nëse i referohemi ekipit që ra nga Superliga, atë gjallë e mbajti portieri Jovanovski, që në shtesë ndali në këtë mënyrë Fetahajn. Loja e Lirisë kishte pësuar rënie sidomos me largimin nga loja të futbollistit më të mirë Prins. Gjatë sezonit të rregullt, Liria përfundoi në vendin e dytë në Ligën e Parë, Grupi A, ndërsa veç kësaj skuadre, Superligës i janë bashkuar edhe Feronikeli 74 dhe Fushë Kosova. Sa i përket historisë, Liria ka një titull të Superligës, dy të Ligës së Parë, dhe dy herë Kupën e Kosovës. https://youtu.be/cz_QaqBDtic