Derbi i Madridit, kryendeshja e nesërme në Ligën e Kampionëve

Po luftojnë 'fyt për fyti' për titullin e kampionit në La Liga. Bashkë me Barcelonën që ka 57 pikë, dy skuadrat e kryeqytetit të Spanjës, Atletico me 56 dhe Reali me 54, e përbëjnë treshen e të parëve në kampionat. Por pos kësaj, dy ekipet madrilene, ndeshen edhe në Ligën e Kampionëve, në kërkim të një biletë që dërgon në çerekfinale të kompeticionit kryesor në Evropë, njofton Klankosova.tv. Akti i parë zhvillohet nesër me fillim në orën 21:00, në stadiumin "Santiago Bernabeu", teksa tek shikuesit në Kosovë, me komentim të Arlind Sadikut, kjo super përballje transmetohet ekskluzivisht përmes platformës kryesore shqiptare, Art Motion (kanali Sport 1). Në elitën e futbollit spanjoll, skuadra e Anchelotit nuk ka arritur ta mposhtë ekipin e Simeones, tash e pesë ndeshje radhazi. Katër prej tyre u mbyllën me rezultat iidentik, 1-1, kurse njërën e fitoi Atletico 3-1. Megjithatë, tjetër pasqyrë kanë ballafaqimet mes tyre në UEFA Champions League. Anise në dy finale të garës më prestigjioze evropiane, poashtu u prodhua rezultati 1-1, në fund festuan "Merengezët". Në atë të vitit 2016, Reali do triufonte pas ekzekutimit të penalltive, kurse dy vjet më parë, pas vazhdimeve me rezultat 4-1, raporton Klankosova.tv. Liga e Kampionëve i ka takuar rivalët e kryeqytetit të Spanjës edhe gjysmëfinalet e vitit 2017, ku ndeshjen e parë e fituan kampionët e Evropës me rezultat 3-0, me 'hat-trick' të Cristiano Ronaldos, ndërsa duelin e kthimit e fitoi Atletico, por pamjaftueshëm, pasi ai takim u mbyll 2-1.