Denver dhe Phoenix zhvillojnë gjysmëfinalen e parë, ndeshja transmetohet në Artmotion

Java me transmetime nga NBA nis mbarë në platformën numër një dhe adresën e vërtetë të basketbollit në Kosovë, Artmotion. Tashmë jemi në fazën e gjysmëfinaleve të konferencave lindore dhe perëndimore teksa gjërat vetëm sa po bëhen më të zjarrta dhe po vijnë duke u definuar. E marta zbardhë me përballjen në mes Denverit dhe Phoenixit, të cilat përballen mes tyre duke filluar nga ora 04:00 e mëngjesit në ndeshjen e parë të gjysmëfinaleve të perëndimit e cila do të transmetohet live dhe ekskluzivisht në Art Sport 1. Denveri për të arritur këtu ka kaluar në gjashtë ndeshje të raundit të parë skuadrën e Portland TrailBlazers teksa sezonin e rregullt e ka përfunduar në pozitën e tretë të perëndimit, nga ana tjetër po në gjashtë ndeshje, skuadra e Phoenixit ka eleminuar kampionët aktual të LA Lakers dhe tani do synojnë të vazhdojnë rrugën drejt finaleve edhe ndaj Denverit. Denveri do të ketë mungesa në këtë përballje me Will Barton dhe Jamaal Murray që janë të lënduar kurse Phoenix janë të plotë dhe shqetësimi i vetëm për ta mund të jetë lëndimi i lehtë që ka pësuar Chris Paul, por që sigurisht do të jetë i gatshëm për përballjet gjysmëfinale. Denver, 5-shja e mundshme startuese: Campazzo, Rivers, Porter Jr, Gordon, Jokic Phoenix, 5-shja e mundshme startuese: Paul, Booker, Bridges, Crowder, Ayton