Dëmtohet instalacioni i Eliza Hoxhës në Prishtinë

Instalacioni “Plisi Informativ” i Eliza Hoxhës është dëmtuar nga disa persona në Prishtinë. Këtë e bëri të ditur vetë Hoxha në profilin e saj në Facebook, duke u shpreh e pakënaqur me këtë veprim. “Kisha pas shumë qejf me hy ne kokën e personit që e ka bo këtë akt, veç me mujt me kuptu logjikën dhe knaqësinë që mundet me ja dhanë një gjest i tillë”, tha ajo. Reagime për këtë veprim pati edhe nga Galeria Kombtare e Kosovës të cilët apeluan që qytetarët të parandalojnë incidentet të cilat shëmtojnë dhe shkatërrojnë vlerat kulturore të Kosovës. “Plisi Informativ” është instalacion në kuadër të bienales “Muslim Mulliqi 2018” që u organizua nga GKK-ja.

klankosova.tv