FC Sharri njofton opinionin publik se hapësirat e zhveshtoreve në stadiumin “Suad Brava” janë vandalizuar nga disa persona.
Pwrmes njw reagimi nw rrjetin social, Facebook, klubi shkruan se e konsideron këtë akt jo vetëm sulm ndaj FC Sharrit, por edhe ndaj pasurisë publike dhe komunitetit sportiv, shkruan Klankosova.tv
Bëhet e ditur se policia ka kryer inspektimin dhe rasti është duke u hetuar.
"Menjëherë pas ngjarjes, klubi ka njoftuar organet e rendit. Policia ka dalë në vendin e ngjarjes, ka kryer inspektimin e plotë të dëmeve dhe rasti tashmë është në procedurë zyrtare. Presim që autorët të identifikohen dhe të mbajnë përgjegjësi të plotë ligjore. FC Sharri i dënon fuqishëm këto veprime kriminale dhe nuk do të heshtë përballë shkatërrimit të pronës publike. Kushdo që dëmton stadiumin, dëmton drejtpërdrejt fëmijët, të rinjtë dhe të ardhmen e sportit në këtë vend", njofton klubi.
Njoftimi i plotë i klubit:
●●●
VZSHKRIMI NGA
Vanesa Zhugolli
Editorial nga Klan Kosova — ndjek sport dhe zhvillimet e tjera kryesore të vendit.
