Sulmuesi i Paris Saint-Germain, Ousmane Dembele, dha më shumë sesa një performancë të shkëlqyer kundër Bayern Munich në çerekfinalen e Kupës së Botës për Klube.
Ai shënoi një gol vendimtar për skuadrën franceze. Megjithatë, ishte gjesti i tij pas golit që i shkriu zemrat të gjithëve.
Pasi shënoi një gol të rëndësishëm, Dembele u ul pranë flamurit të qoshes, duke imituar sikur mbante një kontrollues videolojërash. Ishte një shenjë e qartë për festimin ikonik të Jotas. Si numri 20 i Liverpoolit, Jota e përdorte shpesh gjestin pasi shënonte gola kyç, përfshirë edhe momentin kur shënoi një gol dramatik fitoreje 4-3 ndaj Spurs në vitin 2023.
Futbollisti Diogo Jota humbi jetën tragjikisht në fillim të këtij muaji në një aksident me makinë në Portugali, së bashku me vëllain e tij Andre Silva. /Klankosova.tv
●●●
Shpërndaje këtë artikull
VZ
SHKRIMI NGA
Vanesa Zhugolli
Editorial nga Klan Kosova — ndjek sport dhe zhvillimet e tjera kryesore të vendit.
