Kënga e papërfunduar e David Bowie që mbanë titullin “Starman” ka dalë në ankand dhe kapë vlerën e rreth 12 mijë euro.
Kjo demo besohet të jetë versioni i parë i “Starman”, njofton Klan Kosova.
Ky version i papërfunduar besohet se u regjistrua në vitin 1971 dhe në të dëgjohet Bowie duke i kërkuar kitaristit, Mick Ronson, të mos e ndalojë regjistrimin pasi kënga është ende në zhvillim e sipër.
BBC shkruan se Ronson ia dha këtë video shokut të tij Kevin Hutchinson.
Pjesë të kësaj demo janë edhe këngët “Moonage Daydream” dhe “Hang Onto Yourself”.
Ndryshe, kënga “Starman” gjendet në albumin “Ziggy Stardust”, i cili u publikua në vitin 1972 dhe i solli famë Bowiet.
https://www.youtube.com/watch?v=sI66hcu9fIs
●●●
NSHKRIMI NGA
NP
Editorial nga Klan Kosova — ndjek kulturë dhe zhvillimet e tjera kryesore të vendit.
