Deklarohet Hadar pas fitores ndaj Yllit, paralajmëron disa ndryshime në ndeshjen tjetër

Në një super ndeshje dhe dramatike, Peja fitoi ndaj Golden Eagle Yllit 80:81 (26:20, 21:26, 15:13, 18:22), duke barazuar serinë gjysmëfinale të Play-offit në 2:2. Pas ndeshjes është deklaruar trajneri i pejanëve Rami Hadar, i cili theksoi se ajo që vendosi këtë ndeshje ishin detajet e vogla. Hadar potencoi se në takimin e ardhshmë do të tentojnë fitoren për të arritur në finale. “Ajo që vendosi lojën janë detajet e vogla dhe loja e lojtarëve të cilët janë 71 me 60 ishim me minus dhe lojtarët e mi vazhduan të luftojmë dhe unë i respektojmë për këtë. Ne do të bëjmë disa ndryshime për lojën ardhshme, dhe do të shikojmë të shfrytëzojmë më mirë lojtarët shtatlartë dhe shpresojmë që ta fitojmë edhe ndeshjen e tretë”, u shpreh Hadar. Ndeshja e radhës do të zhvillohet në Pejë, ku do të vendoset se kush do të kalojë në finale. Në finale, tashmë është kualifikuar Trepça, që eliminoi Sigal Prishtinën 3:0 në gjysmëfinale.