Daku ia dedikoi dy golat e tij gjyshit që i vdiq këtë javë

Sulmuesi i kombëtares së Shqipërisë dhe i Rubin Kazanit, Mirlind Daku, sot ka shënuar dy gola në ndeshjen ndaj Orenburgut. Pas ndeshjes, Daku përmes një postimi në llogarinë e tij në “Facebook”, bëri të ditur se të dy golat ia dedikoi gjyshit të tij i cili vdiq këtë javë. “Baba Haxhi, ma e vogla që nipi yt mundet me bo për ty! 2 gola për ty, prehu në paqe”, shkroi Daku, transmeton Klankosova.tv. Gjatë festës së golave, Daku shpërtheu në lot teksa nën fanellën e tij mbante veshur një bluzë me fotografinë e tij bashkë me gjyshin. /Klankosova.tv