Daku fans i Unitedit, por pse e ka tatuazh fanellën e Martinsit te Interi?

Mirlind Daku ka zbuluar në një reportazh për klubin e tij, Rubin Kazan, se është fans i Manchester Unitedit. Mirëpo, ai në trup ka një tatuazh të një fëmije të vogël që bart fanellën e sulmuesit Obafemi Martins sa ishte lojtar i Interit. Djaloshi, në tatuazh, është duke e mbajtur dorën e një djali më të madh që rezulton të jetë vëllai i tij. “Vëllai im i madh më merrte me vete kur luante futboll dhe sa herë dilja jashtë, e vishja këtë vanellë të Martinsit”, ka thënë Daku, përcjell Klankosova.tv. “Atëbotë më quanin Martins për shkak të fanellës. Kjo ka qenë ndër fanellat e mia të para”. Kur intervistuesi e njofton që Martinsi ka luajtur për klubin në të cilin luan Daku tash, kosovari mbeti i habitur duke thënë se nuk e paskësh ditur këtë.