Cruise dhe McQuarrie me ekipe të veçanta sigurie, pas kërcënimeve të një ish-punonjësi në filmin e tyre

Pas një sërë kërcënimesh nga një ish-punonjës në drejtim të regjisorit Christopher McQuarrie dhe aktorit, Tom Cruise, ky i fundit ka angazhuar një ekip të veçantë sigurie. Cruise e McQuarrie ndërmorën këto veprime pasi që një punonjës i angazhuar në pozitën e producentit për filmin e ri të dyshes, u pushua nga puna, gjë që shkaktoi “frikë për hakmarrje të mëtejshme”, shkruan The Sun, transmeton Klankosova.tv. “Tom dhe Chris janë ende duke punuar në Mission: Impossible 8, kryesisht në Mbretërinë e Bashkuar, por gjërat janë bërë gjithnjë e më të pakëndshme me një ish-anëtar të ekuipazhit dhe tani është rasti të mos rrezikojnë”, ka thënë një burim brenda ekipit të filmit. “Është pak art që imiton jetën, në xhirime ka të bëjë me mbrojtje të rëndë dhe kërcënime dhe tani e njëjta gjë po ndodh prapa kamerave”, ka shtuar ai. Bazuar në informacionet e zbuluara nga mediumi, mes detyrash të këtij punonjësi ishte edhe gjetja e lokacioneve për skenat e shesh-xhirimeve. Përfshirë një vend që përshkruan një përplasje treni. Por, ai duket të mos e ketë kryer me sukses punën e caktuar. Punonjësi që u largua ka nisur një proces gjyqësor ndaj Cruise, McQuarrie dhe “Paramount Studios”, dhe ka akuzuar oligarkët rusë që financonin punën e aktorit dhe një hetim të lidhur të FBI ndaj kompanisë artistike mbi financimin.